၂၀-၈-၂၀၂၀ ရက်၊ ဒေသစံတော်ချိန်(၁၀၃၀)နာရီတွင် အာရပ်စော်ဘွားများ ပြည်ထောင်စု(ယူအေအီး)ရှိ ဒူဘိုင်းအပြည်ပြည်ဆိုင်ရာလေဆိပ်မှ လည်းကောင်း ဒေသစံတော်ချိန်(၁၂၁၀)နာရီတွင် အိုမန်နိုင်ငံ၊ မတ်စကတ်တို့အပြည်ပြည်ဆိုင်ရာလေဆိပ်မှလည်းကောင်း ထွက်ခွာသော အပြည်ပြည်ဆိုင်ရာမြန်မာလေကြောင်း (MAI) ကယ်ဆယ်ရေးလေယာဉ်တွင် ခရီးသည်များအနေဖြင့် အိုမန်နိုင်ငံမှ မြန်မာနိုင်ငံသား (၂၈)ဦး၊ ဘာရိန်းနိုင်ငံမှ မြန်မာနိုင်ငံသား(၁)ဦး၊ ယူအေအီးနိုင်ငံမှ မြန်မာနိုင်ငံသား (၈၀)ဦး၊ ပါကစ္စတန်နိုင်ငံသား ကလေးငယ် (၁)ဦး၊ အီဂျစ်နိုင်ငံမှ မြန်မာနိုင်ငံသား (၉)ဦးနှင့် အီဂျစ်နိုင်ငံသား (၃)ဦး၊ ဘယ်လ်ဂျီယံ နိုင်ငံမှ မြန်မာနိုင်ငံသား (၄)ဦးနှင့် နိုင်ငံခြားသား (၅)ဦး၊ နယ်သာလန်နိုင်ငံမှ နိုင်ငံခြားသား (၁)ဦး၊ မော်လ်ဒိုက်နိုင်ငံမှ မြန်မာနိုင်ငံသား (၂)ဦး၊ အစ္စရေးနိုင်ငံမှ မြန်မာနိုင်ငံသား (၇)ဦး၊ ဘင်္ဂလားဒေ့ရှ်နိုင်ငံမှ မြန်မာနိုင်ငံသား(၃)ဦး၊ ဘရာဇီးလ် နိုင်ငံမှ မြန်မာနိုင်ငံသား (၁၀)ဦး၊ ပြင်သစ်နိုင်ငံမှ မြန်မာနိုင်ငံ သား(၈)ဦး၊ စပိန်နိုင်ငံမှ မြန်မာနိုင်ငံသား(၂)ဦး၊ တောင်အာဖရိကနိုင်ငံမှ မြန်မာနိုင်ငံသား (၂)ဦး၊ ပနားမားနိုင်ငံမှ မြန်မာနိုင်ငံသား (၂)ဦး၊ ဟန်ဂေရီနိုင်ငံသား (၁)ဦး၊ နိုင်ဂျီးရီးယားနိုင်ငံမှ မြန်မာနိုင်ငံသား (၂)ဦး၊ အမေရိကန်နိုင်ငံမှ မြန်မာနိုင်ငံသား (၁)ဦး၊ ဂျပူတီနိုင်ငံမှ မြန်မာနိုင်ငံသား (၁)ဦး၊ စုစုပေါင်း မြန်မာနိုင်ငံသား (၁၆၃)ဦးနှင့် နိုင်ငံခြားသား (၁၁)ဦး စုစုပေါင်း (၁၇၄)ဦး လိုက်ပါလာမည် ဖြစ်ပါကြောင်း နှင့် ခရီးစဉ် အဆင်ပြေချောမွေ့စေရန်၊ ပူးပေါင်းဆောင်ရွက်ပေးခဲ့ကြသော အိုမန်နိုင်ငံနှင့် အာရပ်စော်ဘွားများပြည်ထောင်စုနိုင်ငံ(ယူအေအီး) နိုင်ငံခြားရေးဝန်ကြီးဌာနများ၊ ပြည်ထဲရေးဝန်ကြီးဌာနများ၊ လေကြောင်းအာဏာပိုင်အဖွဲ့များ၊ရီယာဒ်မြို့ အခြေစိုက် အိုမန်သံရုံး၊ အာရပ်စော်ဘွားများပြည်ထောင်စုနိုင်ငံ(ယူအေအီး) သံရုံး၊ အပြည်ပြည်ဆိုင်ရာမြန်မာလေကြောင်း (MAI) နှင့် ဝိုင်းဝန်းကူညီဆောင်ရွက်ပေးခဲ့ကြသော အိုမန်နိုင်ငံနှင့် ယူအေအီးနိုင်ငံရှိ မြန်မာအသိုင်းအဝိုင်းများအားလုံးကို ကျေးဇူးဉပကာရ တင်ရှိပါကြောင်း ဖော်ပြအပ်ပါသည်။

၁၄-၆-၂၀၂၀ ရက်၊ ဒေသစံတော်ချိန် (၁၃၃၅) နာရီတွင် ကာတာနိုင်ငံမှ မြန်မာနိုင်ငံသား (၆၁)ဦး၊ အီတလီမှ (၅)ဦး၊ ဘရာဇီးမှ (၄)ဦး၊ ဂျာမနီမှ (၂)ဦး၊ သြစတြေးလျားနိုင်ငံမှ သံတမန်(၂)ဦး၊ မြန်မာကာကွယ်ရေးဝန်ကြီးဌာနမှ အရာရှိ(၁)ဦးနှင့် အာဖဂ္ဂနစ္စတန် ကဘူးလ်မြို့ရှိ UNICEF ရုံးတွင် တာဝန်ထမ်းဆောင်နေသည့် မြန်မာနိုင်ငံသား တစ်ဦး၊ မြန်မာနိုင်ငံသား(၇၄)ဦးနှင့် သံတမန် (၂)ဦး စုစုပေါင်း ခရီးသည်(၇၆)ဦးတို့ လိုက်ပါလာသော ကယ်ဆယ်ရေးလေယာဉ်အဖြစ် စီစဉ်သည့် အပြည်ပြည်ဆိုင်ရာမြန်မာလေကြောင်း (MAI)၏ လေကြောင်းပျံသန်းအမှတ်စဉ် 8M 1201 သည် ကာတာနိုင်ငံ၊ ဒိုဟာမြို့မှ ရန်ကုန်မြို့သို့ ထွက်ခွာသွားပြီဖြစ်ပါသည်။

Coronavirus Disease 2019 (COVID-19) ကာကွယ်၊ ထိန်းချုပ်၊ ကုသရေး အမျိုးသားအဆင့်ဗဟိုကော်မတီ၏ လမ်းညွှန်ချက်နှင့်အညီ နိုင်ငံခြားရေးဝန်ကြီးဌာန၏ ကြီးကြပ်မှုဖြင့် မြန်မာသံရုံး၊ ရီယာဒ်မြို့မှ ညှိနှိုင်းစီစဉ်ပေးခဲ့ပြီး၊ ခရီးစဉ် အဆင်ပြေချောမွေ့စေရန် ပူးပေါင်းဆောင်ရွက်ပေးခဲ့ကြသော ကာတာနိုင်ငံခြားရေး ဝန်ကြီးဌာန၊ ကာတာပြည်ထဲရေးဝန်ကြီးဌာန၊ ကာတာလေကြောင်းအာဏာပိုင်အဖွဲ့၊ အပြည်ပြည်ဆိုင်ရာမြန်မာလေကြောင်း (MAI) နှင့် ဝိုင်းဝန်းကူညီဆောင်ရွက်ပေးခဲ့ကြသော ကာတာနိုင်ငံအခြေစိုက် မိတ်ဖက်သံရုံးများမှ သံတမန်များ၊ ကာတာနိုင်ငံရှိ မြန်မာအသိုင်းအဝိုင်းများအားလုံးကို ကျေးဇူးဉပကာရ တင်ရှိပါကြောင်း ဖော်ပြအပ်ပါသည်။