မြန်မာသံရုံး၊ ရီယာဒ်မြို့မှ မြန်မာနိုင်ငံသားများနှင့်ပတ်သက်၍ အောက်ဖော်ပြပါ ကောင်စစ်ကိစ္စရပ်များအား နေ့စဉ် ရုံးဖွင့်ရက် တနင်္ဂနွေနေ့မှ ကြာသပတေးနေ့အထိ နံနက် ၁၀၃၀ နာရီမှ ညနေ ၁၅၃၀ နာရီအထိ ဆောင်ရွက်ပေးလျက်ရှိပါသည်။

လူကိုယ်တိုင် လာရောက်လျှောက်ထားနိုင်ခြင်းမရှိသော ကာတာ၊ ဘာရိန်း၊ အိုမန်နှင့် မြန်မာသံရုံး ဖွင့်လှစ်ထားခြင်းမရှိသည့် နီးစပ်ရာ အခြားပင်လယ်ကွေ့နိုင်ငံများတွင် အလုပ်လုပ်ကိုင်နေသော မြန်မာနိုင်ငံသားများအား နိုင်ငံတကာ စာပို့စနစ်ဖြင့် လက်ခံ ဆောင်ရွက်ပေးလျက်ရှိပါကြောင်း အသိပေး ကြေညာအပ်ပါသည်-

(၁) ကိုယ်ရေးလျှောက်လွှာ (၂) လျှောက်ထားသူ၏ ကိုယ်ရေး အချက်အလက်	(ဓါတ်ပုံ ၂ ပုံ၊ 35 mm x 45 mm, 600 Resolutions ၊ ၆ လ အတွင်း ရိုက်ကူးထားပြီး၊ မျက်နှာသည် ဓါတ်ပုံ၏ ၈၀% ရှိ၍ နောက်ခံ အဖြူရောင် ဖြစ်ရပါမည်
(၃) လျှောက်ထားသူ၏ ဓာတ်ပုံ၊ လက်ဗွေနှင့် လက်မှတ်
(၄) နိုင်ငံကူးလက်မှတ် မူရင်း ( သက်တမ်း ၆ လ ကျန်ရှိသူများသာ)
(၅) ရောက်ရှိနိုင်ငံမှ ထုတ်ပေးထားသော အထောက်အထားကတ်မိတ္တူ
(၆) မြန်မာနိုင်ငံသား စိစစ်ရေးကတ်မိတ္တူ
(၇) သန်းခေါင်စာရင်းမိတ္တူ
(၈)ကျသင့်ငွေ ဆော်ဒီရီရယ် ၁၅၅

PV မှ PJ သို့ ပြောင်းလဲလျှောက်ထားသူများသည် ကိုယ်ရေးလျှောက်လွှာတစ်စောင် ရေးသား၍ မည်သည့်အလုပ်ကို လုပ်ကိုင်လျှက်ရှိကြောင်းနှင့် အနီးဆုံး (၃) လတွင် လစာဝင်ငွေ မည်မျှ ရရှိကြောင်း အလုပ်လုပ်ကိုင်နေသော ကုမ္ပဏီ/အဖွဲ့အစည်း၏ ထောက်ခံချက် (သို့) စာချုပ် ပူးတွဲတင်ပြရမည်။
PJ အမျိုးအစား နိုင်ငံကူးလက်မှတ်ကိုင်ဆောင်ထားသူများသည် သက်တမ်းတိုးသည့် အခါ OWIC ကတ်ရှိပါက ပူးတွဲတင်ပြရန်နှင့် မရှိပါက မြန်မာနိုင်ငံသို့ခွင့်ပြန်သည့်အခါ မဖြစ်မနေလျှောက်ထားရပါမည်။
နိုင်ငံကူးလက်မှတ်သက်တမ်းတစ်နှစ်အထက် သက်တမ်းလွန်/သက်တမ်းကျန်သူများ အတွက် သက်တမ်းကျန် ဒဏ်ကြေး ဆော်ဒီ ရီရယ် ၁၁၀ ပေးဆောင်ရမည်။ (တံဆိပ်တုံးထု၍ သက်တမ်းတိုးထားခြင်းများကို ကောက်ခံခြင်း မပြုပါ)

(၁) ကိုယ်ရေးလျှောက်လွှာ(ကျိုးကြောင်းဖော်ပြရန်) (၂) လျှောက်ထားသူ၏ ကိုယ်ရေး အချက်အလက်	(ဓါတ်ပုံ ၂ ပုံ၊ 35 mm x 45 mm, 600 Resolutions ၊ ၆ လ အတွင်း ရိုက်ကူးထားပြီး၊ မျက်နှာသည် ဓါတ်ပုံ၏ ၈၀% ရှိ၍ နောက်ခံ အဖြူရောင် ဖြစ်ရပါမည်
(၃) လျှောက်ထားသူ၏ ဓာတ်ပုံ၊ လက်ဗွေနှင့် လက်မှတ်
(၄) နိုင်ငံကူးလက်မှတ် ပျောက်ဆုံး/ပျက်စီး မိတ္တူ
(၅) ရောက်ရှိနိုင်ငံမှ ထုတ်ပေးထားသော အထောက်အထားကတ်မိတ္တူ
(၆) မြန်မာနိုင်ငံသား စိစစ်ရေးကတ်မိတ္တူ
(၇) အိမ်ထောင်စုလူဦးရေစာရင်း(သန်းခေါင်စာရင်း)မိတ္တူ
(၈) ပျောက်ဆုံးကြောင်း ရဲစခန်းထောက်ခံစာနှင့် ကုမ္ပဏီထောက်ခံစာ
(၉) ကျသင့်ငွေ ဆော်ဒီရီရယ် ၅၅၅ (၄၀၀ ဒဏ်ကြေး + ၁၅၅ နိုင်ငံကူးလက်မှတ်စာအုပ်ခ)

နိုင်ငံကူးလက်မှတ်ပျောက်ဆုံး/ ပျက်စီးများအတွက် မြန်မာနိုင်ငံရှိ မြန်မာနိုင်ငံကူး လက်မှတ် ထုတ်ပေးရေးအဖွဲ့သို့ တင်ပြရမည်ဖြစ်ပါသဖြင့် အချက်အလက် ပြည့်စုံစွာ ဖြင့် လျှင်မြန်စွာ လျှောက်ထားကြရန် နိုးဆော်အပ်ပါသည်။

(၁) ကိုယ်ရေးလျှောက်လွှာ (၂) ကလေး၏ ကိုယ်ရေး အချက်အလက်	(ဓါတ်ပုံ ၂ ပုံ၊ 35 mm x 45 mm, 600 Resolutions ၊ ၆ လ အတွင်း ရိုက်ကူးထားပြီး၊ မျက်နှာသည် ဓါတ်ပုံ၏ ၈၀% ရှိ၍ နောက်ခံ အဖြူရောင် ဖြစ်ရပါမည် )
(၃) ကလေး၏ ဓာတ်ပုံနှင့် လက်ဗွေ
(၄) ကလေးမွေးစာရင်းလက်မှတ် ကာလာမိတ္တူ (သက်ဆိုင်ရာနိုင်ငံ နိုင်ငံခြားရေးဝန်ကြီးဌာန ထောက်ခံချက်နှင့်အတူ )
(၅) မိဘနှစ်ဦး၏ ကိုယ်ရေးအချက်အလက်နှင့် နိုင်ငံကူးလက်မှတ်မိတ္တူ
(၇) မိဘနှစ်ဦး၏ လက်ထပ်စာချုပ်မိတ္တူ
(၈) ကျသင့်ငွေ ဆော်ဒီရီရယ် ၁၅၅

မှတ်ချက်။ နိုင်ငံခြားသားနှင့်လက်ထပ်၍ မြန်မာအမျိုးသမီးမှ မွေးဖွားသော ကလေး အား မြန်မာနိုင်ငံကူးလက်မှတ် လျှောက်ထားပါက ဖခင်ဖြစ်သူ၏ နိုင်ငံ သံရုံးမှ ကန့်ကွက်ရန်မရှိကြောင်း စာအား ပူးတွဲတင်ပြရန် လိုအပ်သည်။
နိုင်ငံတော်ပြင်ပတွင်မွေးဖွားသော ကလေးငယ်အား နိုင်ငံသားအဖြစ် မိဘ၏နိုင်ငံသား လက်မှတ်တွင် အမည်ထည့်သွင်းခြင်းကို လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာနသို့ ဦးစွာတင်ပြဆောင်ရွက်ရမည်ဖြစ်သည်။
အဆိုပါ မွေးဖွားစကလေးငယ်အား မိဘ၏နိုင်ငံသားလက်မှတ်တွင် နိုင်ငံသားအဖြစ် ထည့်သွင်းပြီးမှသာ နိုင်ငံကူးလက်မှတ်(မွေး/တိုး) ထုတ်ပေးရန်အတွက် ခွင့်ပြုချက် အား မြန်မာနိုင်ငံကူး လက်မှတ်ထုတ်ပေးရေးအဖွဲ့သို့ တင်ပြရသည်ဖြစ်ပါသဖြင့် လျှောက်ထားသူများအနေဖြင့် အချက်အလက်ပြည့်စုံစွာဖြင့် လျှင်မြန်စွာ လျှောက်ထား ကြရန် တိုက်တွန်းအပ်ပါသည်။ သံရုံးမှ တောင်းခံသည့် အခြားစာရွက်စာတမ်းများအား လည်း တင်ပြနိုင်ရမည်။

ပြည်ပတွင် အလုပ်လုပ်ကိုင်နေထိုင်စဉ်အတွင်း နိုင်ငံကူးလက်မှတ်ပျောက်ဆုံးပါက မည်သူမည်ဝါဖြစ်ကြောင်း သက်သေခံ ကတ်ပြား (Certificate of Identity- C of I) လျှောက်ထားနိုင်ပါသည်။

(၁) ကိုယ်ရေးလျှောက်လွှာ(ကျိုးကြောင်းဖော်ပြရန်) (၂) လျှောက်ထားသူ၏ ကိုယ်ရေး အချက်အလက်	(ဓါတ်ပုံ ၂ ပုံ၊ 35 mm x 45 mm, 600 Resolutions ၊ ၆ လ အတွင်း ရိုက်ကူးထားပြီး၊ မျက်နှာသည် ဓါတ်ပုံ၏ ၈၀% ရှိ၍ နောက်ခံ အဖြူရောင် ဖြစ်ရပါမည်
(၃) နိုင်ငံကူးလက်မှတ် ပျောက်ဆုံး/ပျက်စီး မိတ္တူ
(၄) ရောက်ရှိနိုင်ငံသို့ ဝင်ရောက်လာသည့် ဗီဇာအမျိုးအစား၊ ဗီဇာစာမျက်နှာ
(၅) မြန်မာနိုင်ငံသား စိစစ်ရေးကတ်မိတ္တူ
(၆) အိမ်ထောင်စုလူဦးရေစာရင်း(သန်းခေါင်စာရင်း)မိတ္တူ
(၇) ပျောက်ဆုံးကြောင်း ရဲစခန်းထောက်ခံစာနှင့် ကုမ္ပဏီထောက်ခံစာ
(၈) ကျသင့်ငွေ ဆော်ဒီရီရယ် ၈၀

ခွင့်ပြုချက်အား မြန်မာနိုင်ငံကူးလက်မှတ် ထုတ်ပေးရေးအဖွဲ့သို့ တင်ပြရမည်ဖြစ်သဖြင့် လအနည်းငယ် အချိန်ယူရမည်ဖြစ်ပါသည်။

C of I ဖြင့် ရောက်ရှိနိုင်ငံမှ ထွက်ခွာခြင်းသည် နောင်တချိန်ပြန်လည်ဝင်ရောက်ရာ၌ အခက်အခဲများဖြစ်နိုင်ပြီး အချို့နိုင်ငံများတွင် (၅) နှစ်အထိ ဝင်ရောက်ခွင့် တားမြစ်ထား ခြင်းများရှိသဖြင့် ရောက်ရှိနိုင်ငံ၏ မူဝါဒနှင့် အဆိုပါ ထိခိုက်မှုမျိုး မဖြစ်စေရန် လိုအပ် သော စာရွက်စာတမ်းများအား ကြိုတင်ပြင်ဆင်ဖြည့်ဆည်းထားရန် သတိပေးအပ်ပါ သည်။

ပြည်ပ၌ အလုပ်လုပ်ကိုင်နေသည့် ခွင့်ပြန်အလုပ်သမားများ၏ OWIC ကိစ္စရပ်များ ဆောင်ရွက်ရာတွင် လုပ်ငန်းစဉ်ပိုမိုမြန်ဆန်စေရန်အတွက် မြန်မာနိုင်ငံသို့ ခွင့်ပြန်ခြင်း မပြုမီ ထောက်ခံစာများအား လျှောက်ထားနိုင်သည်။

(၁) ကိုယ်ရေးလျှောက်လွှာ (Download ရယူရန်)

(၂) နိုင်ငံကူးလက်မှတ် မိတ္တူ

(၃) သက်တမ်းရှိ OWIC ကတ် ရှေ့/နောက် မိတ္တူ

(၃) သက်တမ်းရှိ OWIC ကတ် ရှေ့/နောက် မိတ္တူ

(၅) ကုမ္ပဏီ/ဌာန/အလုပ်ရှင်၏ ခွင့်ပြုစာ

(၆) မြန်မာနိုင်ငံသား စိစစ်ရေးကတ်မိတ္တူ

(၇) ကုမ္ပဏီဆိုင်ရာ အချက်အလက်များ

(၈) ကျသင့်ငွေ ဆော်ဒီရီရယ် ၂၀

ထောက်ခံစာလျှောက်ထားရန်အတွက် စာရွက်စာတမ်းများအား မြန်မာသံရုံး၊ ရီရတ်ဒ် မြို့သို့ လူကိုယ်တိုင်ဖြစ်စေ၊ ကိုယ်စားလှယ်ဖြင့်ဖြစ်စေ၊ စာပို့စနစ်ဖြင့်ဖြစ်စေ (၇)ရက် (Working Days) ကြိုတင် ပေးပို့လျှောက်ထားရမည်ဖြစ်သည်။

သိရှိရန် အချက်များ

လျှောက်ထားသူများသည် ကျသင့်ငွေကို သံရုံး၏ Bank Account သို့ ပေးပို့၍ Bank Receipt အား စာအိတ်နှင့်အတူ ပူးတွဲပေးပို့ရပါမည်။ သံရုံးဘဏ်စာရင်းသို့ ငွေလွှဲပို့ရန် Reject ပြုလုပ်မှုများ ရှိပါက သံရုံးသို့ ကျသင့်ငွေအတွက် Invoice ပေးပို့ရန် သံရုံးဖုန်း၊ သံရုံးအီးမေးလ်တို့သို့ ဆက်သွယ်ရမည်။ သံရုံး၏ ဘဏ်စာရင်းတွင် ဝင်ရောက်ခြင်း ရှိ/မရှိ စီစစ်ပြီးမှသာလျှင် နိုင်ငံကူးလက်မှတ် သက်တမ်းတိုးပေးခြင်း၊ ထောက်ခံစာ ပြုလုပ်ပေးခြင်း တို့ကို ဆောင်ရွက်ပေးမည် ဖြစ်ပါသည်။ သက်ဆိုင်ရာ Courier Service များ၏ ဝန်ဆောင်မှုဖြင့် ပူးတွဲပေးပို့ခြင်းအားလည်း လက်ခံပါကြောင်း ကြိုတင်အသိပေးအပ်ပါသည်။

လျှောက်ထားသူများသည် ရှင်းလင်းသပ်ရပ်သော လျှောက်လွှာ အပြည့်အစုံနှင့်အတူ ပူးတွဲပါ သံရုံးလိပ်စာသို့ လူကိုယ်တိုင်သော် လည်းကောင်း၊ စာတိုက်မှသော် လည်းကောင်း လျှောက်ထားနိုင်သည်။ အချက်အလက်ပြည့်စုံ၍ လူကိုယ်တိုင် လျှောက်ထားပါက Working day (၃)ရက်ခန့် ကြာမြင့်မည်ဖြစ်ပြီး စာတိုက်မှတစ်ဆင့် လျှောက်ထားပါက Working day (၁၄)ရက်ခန့် ကြာမြင့်မည် ဖြစ်ပါသည်။

ပြည်တွင်း/ပြည်ပ လျှောက်ထားသူများအနေဖြင့် မိမိတို့နှစ်သက်ရာ Courier Service များဖြင့် အသွား/အပြန် ပေးပို့လျှောက်ထားနိုင်သည်။ လျှောက်ထားသူများ ပေးပို့သည့် Courier များအား လာရောက် Pick up ယူရန် သံရုံးမှ ဖုန်းဆက်ခေါ်ဆိုပေးမည် မဟုတ်ပါ။ (Pick up Time -အင်္ဂါ-ဗုဒ္ဓဟူး- ကြာသပတေး၊ ၁၄၀၀-၁၅၃၀ နာရီ)

သံရုံး၏ အစီအစဉ်ဖြင့် ပေးပို့ပေးစေလိုပါက SR 110 ပေးသွင်း၍ လျှောက်ထားနိုင်ပါ သည်။ နိုင်ငံကူးလက်မှတ် အဟောင်းနှင့်အသစ်ကို ပူးတွဲပြန်လည်ပေးပို့ပါသဖြင့် အစုအဖွဲ့ လိုက်လျှောက်ထားသူများအနေဖြင့် အလေးချိန်အား သေချာတွက်ချက်၍ ကုန်ကျ စရိတ်အား ပေးဆောင်ကြရန်နှင့် အလေးချိန်နှင့် ကျသင့်ငွေအား Aramex Courier Website တွင် ဝင်ရောက်တွက်ချက် ကြည့်ရှုနိုင်ပါကြောင်း အသိပေးအပ် ပါသည်။

Address:

Embassy of the Republic of the Union of Myanmar
No. 5, Al-Kadi Street, King Fahad Area,
Riyadh, Kingdom of Saudi Arabia
P.O Box No: 94490, Riyadh 11693,
Kingdom of Saudi Arabia
Tel: 966-11-2293525, 2293523 Ext; 17 & 14
Fax: 966-11-2293306
[email protected]
http://www.meriyadh.org

သံရုံး Bank Account

သံရုံး Bank Account နှင့် Invoice အား သံရုံးဖုန်းနှင့် သံရုံးအီးမေးလ်တို့မှတဆင့် ဆက်သွယ် မေးမြန်း တောင်းခံနိုင်ပါသည်။