ကယ်ဆယ်ရေးလေယာဥ်များတွင် ဒေသတွင်းနိုင်ငံများမှ အခက်အခဲကြောင့် ပြန်ရန် လိုအပ်သူများ၊ သောင်တင်နေကြသော သေင်္ဘာသားများနှင့် အခြားပြည်ပနိုင်ငံအသီးသီးမှ လာရောက်စီးနှင်းသူများကို အတတ်နိုင်ဆုံး အဆင်ပြေ မျှတစွာ အသုတ်လိုက် ပါဝင်နိုင်ရေး ကြိုးပမ်းစီစဥ်ပေးလျက်ရှိပါကြောင်းနှင့် လိုက်ပါလိုသူ အရေအတွက်နှင့် လိုက်ပါနိုင်သည့် အရေအတွက်မှာ ချိန်ညှိပေးရသဖြင့် အချို့မှာကာလတစ်ခုအထိ စောင့်ဆိုင်းနေရမှုများ ကြုံတွေ့ရနိုင်သည်ကို နားလည်ပါသည်။ မြန်မာနိုင်ငံသားများအနေဖြင့် မိမိတို့ ပြန်လိုသည့် ရက်တွင် မပါရှိသေးသည့်တိုင် ဆက်လက်စီစဥ်ပေးနေမည့် ကယ်ဆယ်ရေးလေယာဥ်များတွင် အလှည့်ရောက်ရှိပါက လိုက်ပါနိုင်မည် ဖြစ်သဖြင့် သည်းခံစောင့်ဆိုင်းပေးကြပါရန် မေတ္တာရပ်ခံဖော်ပြအပ်ပါသည်။